Stubbarnir, Ofurhundurinn Krypto, Grallararnir, Ofuröndin, Fjörugi teiknimyndatíminn

Ævintýralegir teiknimyndaþættir um unga Xiaolin munkinn Omi sem þarf ásamt félögum sínum að safna afar verðmætum dýrgripum áður en þeir lenda í klóm erkióvinar þeirra, hins illa Jacks Spicer.

Áttunda þáttaröðin um ofurmennið Superman á unglingsárum. Clark Kent heldur áfram að berjast við ill öfl sem ógna honum og framtíð heimsins.

Hressileg gamanmynd um munaðarlausar systur sem finna yfirgefinn hvolp, sama dag og þær eru ættleiddar. Þegar þær koma á nýja heimilið kemur í ljós að þar gildir ein ströng regla: ENGIR HUNDAR LEYFÐIR! Nú þurfa systurnar að beita alls kyns kostulegum brögðum til að fela uppátækjasama hvolpinn til að eignast hið fullkomna fjölskyldulíf sem þær hefur alltaf dreymt um.

Önnur þáttaröðin um líf þriggja tengdra en ólíkra nútímafjölskyldna, hefðbundinnar 5 manna fjölskyldu, samkynhneigðra manna sem eru nýbúnir að ættleiða dóttur og svo pars af ólíkum uppruna þar sem eldri maður hefur yngt upp í suðurameríska fegurðardís. Í hverjum þætti lenda fjölskyldurnar í ótrúlega fyndnum aðstæðum sem við öll könnumst við að einhverju leyti.

Fréttastofa Stöðvar 2 flytur fréttir í opinni dagskrá.

Bráðskemmtileg samantekt af öllu því besta frá Mr. Bean, mannsins sem er fullorðinn en virðist hafa verið fæddur í gær. Hér er fylgst með hversdagslegum athöfnum sem aðeins hann getur gert óborganlega skemmtileg.

Fimmtánda þáttaröðin af einum vinsælasta raunveruleikaþætti síðari ára. Keppendur þurfa sem fyrr að flakka heimshornanna á milli og leysa úr ýmsum þrautum á leiðinni í von til þess að vinna ýmsileg verðlaun á leiðinni og að verða fyrst í mark. Í þessari þáttaröð koma heimsækja keppendur meðal annars Japan, Kambódíu, Holland, Svíþjóð og Estóníu. Tólf tveggja manna lið mæta sem fyrr til leiks og öll lið eru skipuð pörum sem eiga sér einhverja forsögu.

Önnur þáttaröðin um starfsmenn sérstakrar deildar innan bandaríska hersins sem hafa það sérsvið að rannsaka glæpi sem tengjast sjóhernum eða strangæslunni á einn eða annan hátt. Með aðalhlutverk fara meðal annars Chris O'Donnell og LL Cool J.

Ævintýramynd fyrir alla fjölskylduna með Jake Gyllenhaal, Ben Kingsley og Gísla Erni Garðarssyni í aðalhlutverkum. Myndin gerist í Persíu á miðöldum og segir söguna af prinsi sem ákveður að vinna með prinsessu andstæðinganna til þess að stöðva fyrirætlanir ills einræðisherra um að koma af stað gífurlegum sandstormi með töfrum sínum.

Stórbrotin þáttaröð í anda 24 með Claire Danes í aðalhlutverki. Carrie Mathieson starfar fyrir bandarísku leyniþjónustuna og fær upplýsingar um að hryðjuverkasamtök hafi náð að snúa bandarískum stríðsfanga á sitt band. Skömmu síðar frelsa bandarískir hermenn félaga sinn sem hafði verið í haldi hryðjuverkamanna í átta ár og var talinn af. Hermaðurinn, Nick Brody, snýr heim sem þjóðhetja en Carrie er sannfærð um að hann sé föðurlandssvikari og vinni með hryðjuverkamönnum.

Glæný og spennandi ævintýraþáttaröð úr smiðju Steven Spielberg um venjulega fjölskyldu sem fær að að taka þátt í mikilvægu tilraunaverkefni sem gæti bjargað mannkyninu. Þau ferðast 85 milljón ár aftur í tímann til að byggja upp nýtt samfélag en hætturnar eru á hverju strái. þættirnir eru sýndir innan við sólarhring eftir frumsýningu þeirra í bandarísku sjónvarpi.

Fréttir Stöðvar 2 endursýndar frá því fyrr í kvöld.